有興趣人士

今日明報有個(孕婦疑惑Q&A.)專題.

冇難度

魚肉釀三色彩椒.波友呻:
[一句說話同個妹反面]
所謂言者無心,聽者有意,反面根本無難度.問題之後大家有冇想澄清,想繼續被此的關係.就自己的例子,我個妹就因為我講嘢大聲[佢話]同我冇再來往.

講團隊

蒜片炒西芹,咸蛋馬蹄蒸肉餅,韮菜炒蛋,番茄燴交魚扒.團隊精神的重要在這幾天完全體會到,女兒工作上與同事的互補默契,醫生與助手之間的矛盾造成不同的結果,一個完滿解決,一個造成更多問題.效果顯然易見.但同事之間的磨合,亦非單靠個人可成,

山不轉

尊重與包容是與人相處的基本,但很多人卻打起為你好的旗幟而干涉別人.問題因而叢生.我的同齡老友就因此被八十幾歲亞媽激到唔想返屋企,回心一想,山不轉路轉,作為年青的她,是否有其他辦法?

做杞人

近來樓價如火箭,每日標升,兆康苑去到130萬元500幾呎,08年100萬都唔洗,一年間升左幾多,有數得計,有樓的人,當然沾沾自喜,想買樓的人就慘.但今日我刻意寫下是想知道出年今日樓價是否如我所料跌下來.新聞報導旱災已影響六千幾萬人,由雲南伸延到廣州,情況開始失控,偏遠地方已有逃亡潮,情況令人擔心,除了食水外,農作物和牲畜影響很深遠,物價肯定會高漲,點算.

發勞騷

長隆兩天遊話咁快過去,測試到健康有進展,雖然仍然訓得唔好,不能長時間面對噪音,長時間步行起碼不會過度不適,已是一大進步.可惜的是老公的無謂執著嘮叨仍是要面對的問題,有時我也反問,其實有問題的人是否自己.

一蚊雞

在街市見到兩個女人爭執關於一蚊,女顧客(你的莞茜爛嘅,你睇隔離的幾靚.)[人地咁靚,頭先你唔幫佢買](你比番一蚊我,即刻過去買)
[貨物出門,沒有得退].擾攘一輪,沒有結果,其實拘拘一元,何必浪費時間,唔通真係原則問題,一定要企硬.我唔明.
今早去驗血,流程十分順利,香港人辦事效率高並非浪得虛名.
有個病友遺下病歷,姑娘叫佢返來,佢百思不得其解[明明係袋好,點解係你度],不斷自言自語.第日我老左,唔知會唔會好似佢咁.好驚.
米米:你好嗎,我諗唔到要寫乜嘢,如果你問,我就可以盡量答.

給米米

做媽媽首要愛自己才有能力愛BB,多飲水多吃生果蔬菜定時吃飯小吃多餐保持大便暢通泠氣環境盡量帶頸巾不要給自己有機會感冒.天天散步,保持心境平靜,雖然老生常談,但是經驗之談,不要忽略做母親的人意志是旁人想像不到的.做過媽媽的人會告訴未做過媽媽的媽媽所有擔心是多餘的,是不必要的,請把時間放在日常生活上,小許不適是正常,因為你的骨肉正在形成,請慢慢習慣.

細路仔

今朝見到個男人揍仔,各方面已經算唔錯,可惜有句口頭禪認真唔好,得閒就話[打你呀哪]可惜亞B太細完全唔知攪邊科,啋都唔啋佢,揍細路仔用到打真係下下策我和小朋友相處有八字真言[恩威並重,軟硬兼施]溫柔和耐性決一不可.另外一個女人個仔踩單車撞到人即刻罸佢唔準再踩,個小朋友即時狂喊,其實可以拉佢埋一邊,解釋之後,罸佢跑一個圈或者罸其他嘢,然後比佢踩番,咁個細路條氣會順D而且即時學到嘢.

長者卡

今朝早餐洋蔥煙肉炒蛋,多士,豬肉漢堡即磨咖啡只是17元但最大驚喜是環境,康恩園人們對該座建築物有誤解,以為入面都是病人於是忽略,令到食客都可以靜靜享受. 昨天老公收到長者卡把優惠小冊子翻覆睇好耐好有感觸.我同佢講你好叻有資格攞到,起碼叻過你父母.以後可以用平價週圍去.睇落開心返.

做亞媽

近來有小友懷孕,有已生BB的,想起以前自己同一經歷轉眼三十年過去.當年有照顧小朋友經驗,始終揍大幾個弟妹,但從未生產過,旁邊就有很多熱心人士提意見,令我無所適從,例如中國人覺得吃香蕉是不好,而醫生會提議其實每日可以食 一隻,到後來集合出來的結論是,以前食過可以食以前未食過沒有必要試,不過人體很奇妙如果身體有需要佢會通知你令你(恨食).其實懷胎只是一個開始,父母都是終身制沒有人學過才做.當我懂事時就話俾自己知,弟日做亞媽時,唔做亞媽做嘅野,我想亞媽點做就做俾個女現在發覺效果真係幾理想,

新發現

無意中發現一個女中醫,似80後的產物.雖然中醫最講經驗.即係夠老.但年青人是需要機會的,比佢又比我.如果唔覺意大家夾,就發達,因為係慈善團體,每日只是30元付得起就唔會有壓力.壓力細病都好快的